top of page

異域風土浪漫海灣-赤柱自駕一日遊🚗 意大利風情小鎮 ☀️


終於等到堂食放寬至晚市同4人一枱👨‍👩‍👧‍👦了! 大家係時候計劃同家人朋友book返架車玩足一日🥳! 大家有無考慮過自駕去海濱小鎮赤柱⛵️打下卡,感受一下外國渡假既心情🥂呢?



1. 赤柱廣場🍔

大家可以選擇泊低架車係赤柱廣場停車場,或者赤柱沙灘附近既咪錶位,赤柱廣場匯集購物、餐廳於一身🍭,仲歡迎帶寵物一齊逛街添! 記住去埋廣場四樓既觀景台,可以欣賞到赤柱既南海岸線。


溫馨提醒: 赤柱廣場停車場係某d公眾假期會進行預約制,有需要時記住book定停車埸位 - 🅿️泊車服務 (linkhk.com)



2. 美利樓🍝

赤柱廣場旁邊就係維多利亞色彩的赤柱地標 – 美利樓,呢度有好多特色餐廳🍨,若果黃昏時份食晚餐,仲可以睇到日落🌅,十分浪漫!



3. 卜公碼頭⚓️

據聞當年孫中山先生都係喺卜公碼頭登陸香港,所以呢個碼頭極具歷史價值。係星期六日同公眾假期,呢度仲有船前往蒲台島添!



4. 赤柱大街🍹

碼頭海旁既赤柱大街佈滿各式異國餐廳,坐喺露天座位,一邊欣賞海景,一邊品嘗特色美食或飲品🍻,享受一個悠閒的週末下午!



5. 赤柱市集🛍

通過大街後就會到達赤柱市集,係充滿本土文化既小商店同攤檔中展開一埸尋寶之旅,可能會買到特色平價精品既機會🤩!




6. 赤柱八間屋🏡

八間屋相連並臨海而建,由磚塊疊砌而起,加上傳統的尖頂瓦面,窗框及大門都油上綠色充滿建築特色,吸引唔少遊客打卡影相。不過八間屋仍有居民居住,所以遊覽時請記住唔好擅闖私人地方或造成滋擾🤫。




7. 聖士提反灣🏖

若果怕赤柱正灘太多人,提議大家去赤柱西面嘅聖士提反灣,呢度仲有十幾個燒烤爐可以同朋友一齊 BBQ一邊睇日落!




赤柱真係一個由朝玩到晚既好地方,擺定多套衫係車,去完沙灘、換過套靚靚新裝去美利樓食晚飯都好方便! 🏄🍽


睇完篇赤柱自駕遊介紹係米想即刻book架車起程呢? 唔好等喇! 假期租車檔期非常緊張!


💯AutoBright 係一間用心為你服務嘅租車公司

https://www.autobright.com.hk



105 次查看0 則留言
bottom of page